nix dabei!
Dar oane mog´s töl liecht, dar ondre vellig rueßig.
Is Goggele trukn ödr nö lautr. Recht war´s nie!
Lei oas sei gseht:" Es hoast holt amol Greaschtle, also reschtet man ´s ö!
Darhoam konnste tien, wie de willst. In dar Wirtschoft hot´s gereschtet ze sein. Und es Goggele nuicht lautr. Sischt hobn se di, die Beherdn!
Das ganze auf deutsch: www.derhuettenwirt.jimdo.com
Greaschtl:
Also:
Fir oan guetn Esser:
100g gsottne Erdepfle
130g gsottns Rindfleisch
Restlan von Schweinsbrotn sein ö guet
2 Goggelan
1 Zwiefl
Kimml (a Traggele)
De huirign sein de bestn, geits hot lei in Herbest. Koane mehlign, de sal nimmt man fir´s Biree. Holt plattlen seltaschte se kinntn.
Hiferschwanzl (koan Toflspitz, sal war ze schode) ödr an Speck, ödr boadas. (wie´s dr schmeckt!)
I woas nt worum, de oagenen sein oafoch bessar. O a Schmorrn und de Spatzlan wern gelar.
klüege gschnittn
A Zwiefl und a Erpfl selt olbn in dr Ebisa sein, weil sam ischt gekocht! Hot es Nale olbn gset.
mocht´s gschmachigar und man darleidet´s leichtar.
Ietza:
In ar Pfonnen (koa "beschichtete" sal geit koa Scharra o) a Traggele El töl hoaß wern lossn.
A Maul völl Solz und in Kimml darzüe. (is Solz af´n Pfonnenbödn vartoaln, oftr poppn de Erpfle nt asö).
Völle hoaß isch wichtig, sischt siedn de Erdepfle meh ödr mindar und sal sein se schö.
De geplattltn Erpfle, in Zwiefl und is Rindfleich in den Ele onreaschtn.
Olle pot umdrahn, obr klüege, sischt geits Biree!
Darweil in ar sepratn Pfonnen (die konn ietz genüeg "beschichtet"
sein) widr El hoaß wern lossn.
De Oar inhn tien.
Do müeschte ietz a weag an Achte gebn!
Sein de Oar frisch, isch es Weiße nö fescht und ament müescht es mit´n Messer aweag ausanondar tien. Sischt brennt´s dar untnau on vör´s öbnau fertig ischt. In Herd aweag zrugge scholtn!
Dos isch ba de oltn Goggelan e koa Problem
Du konnscht ö an Deckl drau tien, obr aupassn, nuicht ze longe, sischt hoste ibar´n Geln a liechte Haut dribar.
Und vargiss mar darweil nt at de Erpfle!
Sein se boatseitig braun genüeg, tüeschte se außa af es Tallar,
Is Goggele drauf auhn.
Fertig!
An Krautsolat darzüe, gewaltig!
Kommentar schreiben